KAZ Minerals қызметкерлерінің әл-ауқатын арттыру

Соңғы айларда Топтың өндірістік нысандарында, сонымен қатар Алматы, Өскемен және Бішкек қалаларының кеңселерінде қызметкерлер арасында кең ауқымды сауалнама жүргізілді. Зерттеу нәтижелері бойынша қызметкерлердің қажеттіліктері анықталып, жетілдірілетін негізгі салалар белгіленді.

Осыған орай KAZ Minerals қызметкерлердің жұмыс жағдайын жақсартуға бағытталған бірнеше бастаманы жүзеге асыруда. Жобаның амбассадоры әрі Бозымшақтың Бас директоры Ильяс Тулекеев корпоративтік мәдениетке салауатты өмір салтын енгізудің маңыздылығын атап өтіп: «Әр қызметкердің игілігі – бүкіл компанияның табысты дамуының басты шарты», – деді.

Қаржылық тұрақтылық

Қызметкерлердің белсенділігі мен тиімді жұмысы қаржылық тұрақтылыққа тікелей байланысты. Жобаны қолдау аясында KAZ Minerals қаржылық сауаттылықты арттыруға арналған оқыту өткізді, оған 2 500-ден астам қызметкер қатысты. Офлайн және онлайн форматта өткен бұл сессияларда кіріс пен шығысты басқару, ипотека мен несиені түсіну, сондай-ақ алаяқтардан қорғану сияқты маңызды тақырыптар қарастырылды.

Физикалық белсенділік

Топ барлық алаңдарда тағамдардың кең таңдауын ұсынады, ал тұрақты сауалнамалар қызметкерлердің диеталық қалауларының ескерілуін қамтамасыз етеді. Қызметкерлердің тамақтануын жақсарту және уақытты үнемдеу мақсатында вахталық әдіспен жұмыс істейтін өндірістік алаңдарда «өзімен бірге алып кететін таңғы ас» қызметі енгізілді.

Салауатты өмір салтын насихаттау мақсатында газдалған сусындарды шамадан тыс тұтынудың зияны және D дәруменінің пайдасы туралы оқыту бейнероликтері іске қосылды. Сонымен қатар, қызметкерлер арасында дене шынықтыруды дамыту және достықты нығайту мақсатында тұрақты түрде спорттық жарыстар өткізіледі.

Әлеуметтік әл-ауқат

Қызметкерлермен тиімді байланыс орнату және жұмыс орнындағы проблемаларды шешу үшін Топ «Сенім» (Қазақстан) және «Ишеним» (Бозымшақ) желілерін іске қосты. Қызметкерлер осы арналар арқылы жұмысқа байланысты кез келген сұрақтарын еркін қоя алады.

Эмоциялық тепе-теңдік

Психикалық саулықтың маңыздылығын түсіне отырып, Топ вахталық қалашықтарға психологтарды жұмысқа алды, олар қызметкерлерге ауысым кезінде көмек көрсетеді. Сонымен қатар Топ бұл қызметтерді басқа бөлімшелерде кеңейту жолдарын қарастыруда.
Алматыдағы корпоративтік кеңседе еңбек жағдайлары жақсартылды: мұнда тыныш әрі жайлы жерде жұмыс істеуге арналған арнайы орындар жасалды, ал Ақтоғайда демалыс пен ойын-сауыққа қолайлы жағдай жасау үшін киберзона жаңартылды.