English
Русский
Kazakh
Әралуандылық және теңдік
KAZ Minerals компаниясы әр қызметкерге әділетті қарым-қатынас пен тең мүмкіндіктерді қамтамасыз ететін алуан түрлі, инклюзивті және құрметке лайық жұмыс ортасын қалыптастыруға ниетті. Біздің мақсат – қызметімізді жүзеге асыратын елдердің демографиялық құрамын көрсететін ұжым қалыптастыру және әр қызметкер қолдау мен өзінің маңыздылығын сезінетін мәдениеттің дамуына ықпал ету.
Тең мүмкіндіктер және кемсітушілікке жол бермеу
Топта жас, жыныс, нәсіл, ұлт, этникалық тегі, отбасылық жағдай, ана болу, әке болу немесе мүгедектік белгілері бойынша бір де бір қызметкердің немесе үміткердің кемсітушілікке ұшырамауына кепілдік беретін рәсімдер қолданылады. Кемсіту немесе қорлау жағдайлары туралы келіп түсетін барлық хабарлама ішкі хаттамаларға сәйкес тергеледі.
Жұмысқа қабылдау, іріктеп алу және қызметті жоғарылату туралы барлық шешім сіңірілген еңбекке және корпоративтік құндылықтарға сәйкес қабылданады. Рөліне, тәжірибесіне және әлеуетіне сәйкес келетін оқу және даму мүмкіндіктері әрбір қызметкерге қолжетімді.
Ұлттық құрам
2024 жылғы 31 желтоқсандағы жай-күй бойынша тұрақты қызметкерлердің 98%-ы қызметімізді жүзеге асырып отырған елдердің азаматтары болған. Топ жұмыс істейтін қызметкерлер арасында операциялық сараптаманы ұзақ мерзімді жинақтауды қамтамасыз етуге ұмтыла отырып, басым бағыт ретінде оқу бағдарламалары мен кадрлық резерв арқылы жергілікті кадрларды дамытуды көздеп отыр.
Компания халықаралық сараптаманы тарту қажеттілігі болған кезде шетел мамандарын жұмысқа қабылдайды, бұл ретте жергілікті қызметкерлерге білім беруге ерекше көңіл бөлінуде. Бұл позициялар негізінен Ақтоғай мен Бозшакөлде жинақталған және жергілікті мамандар ұжымдарымен тығыз ынтымақтастықта жұмыс істеуді көздейді.
Гендерлік өкілділік және инклюзивтілік
KAZ Minerals компаниясында әйел қызметкерлердің саны ірі тау-кен байыту компаниялары арасында сала бойынша орташа алғандағы әйел қызметкерлерден жоғары.
Топ ұйымның барлық деңгейінде гендерлік теңгерімді жақсартуда жүйелі түрде жұмыс жүргізуде. Сонымен қатар Топ аналар мен әкелерге бала күтімі бойынша үш жылға дейін демалыс, сондай-ақ жұмысқа қайта орналасқан қызметкерлерге қайталама нұсқамалықты ұсынады.
жалпы қызметкерлер санының 21%-ы – әйелдер
басшы лауазымдардың 25%-ын әйелдер құрайды
Еңбекақы төлеу және оны жоғарылату
Сәйкес жұмыс үшін тең ақы төленуін қамтамасыз ету және еңбекақы төлеудегі гендерлік айырмашылыққа жол бермеу үшін біз жалақыны үнемі қайта қарап тұрамыз. Оқу, қызмет бойынша жоғарылау және даму мүмкіндіктері барлық қызметкерге бірдей дәрежеде ұсынылады.