English
Русский
Kazakh
Қоқыс
Тау-кен өндіру және байыту процестеріміздің нәтижесінде қалдықтар, оның ішінде бос жыныстар, топырақ және тастандылар түзіледі. Біз қалдықтарды басқаруға және оларды қауіпсіз кәдеге жаратуға жауапкершілікпен қараймыз.
Қалдықтарды басқару және жауапкершілік
Қоршаған ортаны қорғау жөніндегі белгіленген саясатқа сүйене отырып, Топ минералдық қалдықтарды және басқа қалдықтарды жауапты басқару бойынша барлық шараларды қабылдайды. Топтың ЕҚӨҚжТД жөніндегі комитеті қалдықтарды басқаруға мониторинг жүргізу үшін жауап береді. Топ кәсіпорындарының бас директорлары өндірістік алаңдарда қалдықтарды басқару үшін жауап береді.
Активтер бойынша бөлінген бос жыныс (млн. тонна)
2024 жылы Топ аршыма жыныстарды қазып алды, нәтижесінде көбінесе Ақтоғай және Бозшакөл карьерлерінде үйінді тау-кен жыныстары түзілді. Ақтоғай және Бозшакөл кеніштерінде аршу кезінде алынған бос жыныс үйінділерінің пайда болуы мүдделі тараптар үшін осы кеніштердің алыс орналасуына, олардың аршу коэффициентінің төмендігіне және олардың жергілікті тұрғындардан қашықтығына байланысты айтарлықтай проблема тудырмайды. Ақтоғай және Бозшакөл кеніштерінде бос жынысты қазып алу көлемінің артуы осы кеніштердегі тау-кен жұмыстарының жоспарына сәйкес аршу жұмыстарының қажетті көлеміне байланысты болды. Бұдан басқа, алдыңғы жылы жыныстың едәуір жоғары көлемі жолдардың немесе үймелердің құрылысында пайдалану үшін қайта бейінделді, сондықтан 2023 жылдың қалдық көлемінен алынып тасталды. Бозымшақ кенішінде бос жыныстардың көлемі айтарлықтай қысқарды, себебі бұл кеніш жерасты игеру кезеңіне көшті.
| 2024 | 2023 | |
|---|---|---|
| Ақтоғай | 26.7 | 14.1 |
| Бозшакөл | 25.4 | 15.7 |
| Шығыс өңірі | 0.1 | 0.1 |
| Бозымшақ | 0.4 | 5.8 |
| Барлығы | 52.6 | 35.7 |
| Қалдықтардың түзілу қарқындылығы* | 138.5 | 88.4 |
| 2024 | 2023 | |
|---|---|---|
| Ақтоғай | 57.4 | 53.4 |
| Бозшакөл | 34.2 | 32.4 |
| Шығыс өңірі | 20.1 | 1.9 |
| Бозымшақ | 1.0 | 1.2 |
| Барлығы | 94.7 | 88.9 |
| Тастандылардың түзілу қарқындылығы* | 249 | 220 |
Активтер бойынша бөлінген қалдықтар
Тастанды қалдықтардың көлемі 2024 жылы 7%-ға 94,7 млн тоннаға дейін (2023: 88,9 млн тонна) кенді қайта өңдеу көлеміне сәйкесінше өсті, соңғылары 6%-ға артты, себебі Ақтоғай және Бозшакөлдегі байыту фабрикалары жобалық қуаттылықтан асып түсіп жұмыс істеді.
Қалдықтарды басқару және қауіпсіздікті қамтамасыз ету бойынша іс-шаралар
Қалдықтарды қауіпсіз және тиімді басқару Топтың бірінші кезектегі міндеті болып табылады. Қалдыққоймалардың құрылымдық тұтастығын анықтау және қолдау үшін жақын жердегі жерасты суларын тұрақты тексеру мен талдауды қоса алғанда, қалдыққоймаларға мониторинг жүргізу мен қызмет көрсету бойынша жұмыс рәсімдері қолданылады. Топ тәуелсіз сыртқы сарапшылар жүргізетін инспекцияларды мерзімді түрде ұйымдастырады. Барлық қолданыстағы қалдық қоймалары 2024 жыл ішінде тексерілген. Қазіргі таңда KAZ Minerals өзінің қалдыққоймаларды басқару және ақпарат ашу жүйесін ICMM әзірлеген «Қалдыққоймаларды басқару жөніндегі жаhандық салалық стандартқа», инвестициялық қауымдастықтың «Жауапты инвестициялау принциптеріне» және «БҰҰ қоршаған ортаны қорғау жөніндегі бағдарламасына» сәйкес келтіруде.
Топ қалдық қоймаларын лицензиялауға, қолдауға және оларға қызмет көрсетуге қатысты Қазақстан Үкіметі мен Қырғызстан Үкіметі белгілеген заңнама ережелерін сақтауы тиіс. Мемлекеттік органдар осы Ережелердің талаптарын сақтауды қамтамасыз ету үшін Топтың қалдық қоймаларына үнемі тексеру жүргізеді. Топтың жергілікті стандарттарға толығымен сәйкес келетін төмен санатты қалдыққоймаларының бірі халықаралық стандарттарға сәйкестік бойынша қайта бағалауға ұшырап, қауіпсіздік коэффициентін арттыру бойынша қосымша шараларды талап етеді деп танылды.
Тиісті сыртқы кеңесшілердің қолдауымен Топта қалдыққоймаларды салу бойынша жұмыс бағдарламалары әрекет етеді, олар өндірістің болашақ жоспарларына сәйкес және кез келген туындайтын проблемаларды шешу мақсатында іске асырылады.