English
Русский
Kazakh
Қоршаған орта
KAZ Minerals Тобы өзінің өндірістік қызметінің қоршаған ортаға әсерін азайтуға және қызметкерлерінің, мердігерлер мен жеткізушілердің қоршаған ортаға саналы көзқарасын арттыруға ұмтылады. Топтың қоршаған ортаны қорғау саясаты оның экологияны қорғауға, шығарындылар мен қалдықтарды азайтуға, сонымен қатар энергия мен су ресурстарын тиімді пайдалануға жауапты көзқарасын белгілейді.
Топ кен орындарын өнеркәсіптік игерудің жаңа жобаларын іске асыру алдында егжей-тегжейлі экологиялық сараптаманы жүргізеді. Сонымен қатар Топ өз қызметінің қоршаған ортаға әсерін қадағалап тұрадыжәне экологиялық тиімділіктің негізгі көрсеткіштерін жыл сайын жариялайды.
Энергия
Энергияны тиімді пайдалану және Қоршаған ортаны қорғау саясатына сәйкес өз кәсіпорындарында оның тұтынылуын бақылау – біздің қызметтің басымдықтары.
Климаттың өзгеруі
KAZ Minerals шығарындыларға мониторинг жүргізеді және мыс өндірісінің барынша мүмкін болатын көлемін қамтамасыз ете отырып, өз кәсіпорындарының энергия тиімділігін арттыру бойынша жүйелі жұмыс жүргізуде. Көміртек құрамы төмен экономикаға көшуде мыс маңызды рөл атқара береді деп санаймыз. Біз халықаралық стандарттарға сәйкес парниктік газдар шығарындыларын бақылап отырамыз және олар туралы есеп береміз, сондай-ақ экологиялық тұрақтылықты қамтамасыз ету жөніндегі халықаралық бағдарламаларға белсене қатысамыз.
Су ресурстары
Суды тиімді пайдалану – біздің басымдылық. Топ судың тұтынылуын бақылайды және барлық объектісінде бұл ресурсты жауапкершілік сезіне отырып пайдаланады.
Кеніштерді жабу
KAZ Minerals Тобы өз кеніштерін жапқаннан кейін жерлерді қалпына келтіру және топырақты құнарландыру үшін жауапты. Біз кен орындары жабылғаннан кейін аумақтардың құнарлылығын қалпына келтіру бойынша міндеттемелерді мойнымызға аламыз. Объектілерді жою жоспарлары шығындар есептеле отырып тұрақты түрде жаңартылады, қаржылық есептілікте пайдаланудан шығаруға және құнарлылықты қалпына келтіруге арналған провизиялар көзделуде.
Табиғатты қорғау заңнамасын сақтау
KAZ Minerals қолданыстағы экологиялық нормаларды сақтайды және экологиялық нормаларды сақтауды өзінің өндірістік рәсімдері мен мониторингілеу іс-шараларына енгізеді.
Биологиялық әралуандылық
Топ биологиялық әралуандылықты сақтаудың маңыздылығын мойындайды және табиғатты қорғау құндылығы жоғары деп саналатын аудандарда қызмет жүргізбейді.
Қалдықтар
Тау-кен және байыту операцияларымыз қазба тастар, топырақ және шлам сияқты қалдықтарды өндіреді.
Соңғы кейс-зерттеулер
Жер күні жыл сайын 22 сәуірде атап өтіледі және ол қоршаған ортаны қорғ...